De lanlike Sweedske radiostjoerder P2 stjoert op sneintejûn 25 july om 19.00 oere jûns in radioprogramma fan in oere oer en mei Fryske muzyk út ûnder de titel Frisisk världsmusik (Fryske wrâldmuzyk). De programmamakkers Petra Quiding en Helena Lopac sochten foar harren programma Fryske muzikanten as Eddy Dykstra, Nynke Laverman en Piter Wilkens op en praten ek mei muzykkenners as Beart Oosterhaven en Jan Ottevanger. It foel harren dêrby op dat Friezen harren gauris ynspirearje litte troch muzyk fan oare plakken. Foarbylden hjirfan binne Piter Wilkens, foar wa’t de Sweedske Nederlanner Cornelis Vreeswijk in rike boarne fan ynspiraasje is en Nynke Laverman, dy’t har ynspiraasje út plakken as Portugal en Mongolië helle. Fansels is fan de neamde artysten ek in soad muzyk te hearren yn it programma, dat fierder ek in soad ynformaasje jout oer Fryslân en it Frysk. It falt Quiding dêrby op dat it Frysk bytiden frijwat fan it Sweedsk hat.

It programma oer Fryslân is ûnderdiel fan in rige programma’s oer muzyk yn Europeeske minderheidstalen, dat útstjoerd wurdt ûnder de titel Musihkka, om stor musik på små språk. (Musihkka, oer grutte muzyk yn lytse talen.) Nei oanlieding fan de lêste edysje fan Liet Ynternasjonaal yn Ljouwert hawwe Quiding en Lopac de ôfrûne moannen alle dielnimmers opsocht yn harren thúslân, fan Asturias yn Spanje oant Karelië yn de Russyske federaasje. In muzikaal portret fan Fryslân, it berteplak fan Liet Ynternasjonaal, koe yn dy searje net ûntbrekke. It programma Frisisk världsmusik is diel 6 yn in searje fan tsien. Op 1 augustus giet de reis fan de Sweedske radiomakkers fierder yn Noard-Dútslân, dêr’t se harren ferdjipje yn de muzyk yn it plat-Dúts.

Musihkka besoarget de harkers eksklusive optredens fan talintearre muzikanten. Guon fan harren spilen yn eigen keuken foar Musihkka, mar it programma seach ek by gruttere optredens, lykas in optreden fan de fjouwer Fryske trûbadoers op It Hearrenfean. It idee fan it programma is om de harker út te daagjen om mear út te finen oer de minderheidstalen en de muzyk yn dy talen. It radioprogramma wurdt dêrby stipe troch in wiidweidige website, mei ferskate ekstra’s lykas in radiodeiboek, in routekaart en in soad foto’s. It seit himsels dat it programma ek op ynternet beharke wurde kin, streaming likegoed as achterôf. By de produksje fan de radioprogramma’s binne Petra Quiding en Helena Lopac stipe troch Stichting Liet International yn Ljouwert.

Sjoch foar mear ynformaasje op de website fan Musihkka: http://sverigesradio.se/p2/musihkka

Nei de útstjoering op tv is it programma beskikber op Utstjoering Mist. Boppedat is fan alle finaleferskes in klip makke.  Alle finaleferskes kinne besjoen wurde op it  YouTube-kanaal fan Stichting Liet ‘91.

The thought behind the programme is to provide a music experience that encourages the listeners to find out more. The programme can also be listened to on the website of P2 radio, streaming as well as on demand.
In order to find out more just check the website of Musihkka.

In the first episode they visit Scotland, which has a rich Scottish Gaelic music culture despite the fact that less and less people speak the language. The programme starts on Sunday 20 June on 19.00 hours PM. Petra Quiding and Helena Lopac will bring the listeners on a music trip through the minority cultures of Europe in ten one-hour programmes.

Troughout the summer Musihkka presents music from the following European nations:

 * Scotland on the 20th of June
* Asturias on the 27th of June
* Occitania on the 4th of July
* Friûl in Italy on the 11th of July
* Puglia in the south of Italy on the 18th of July
* Friesland on the 25th of July
* Bremen in Germany on the 1st of August
* Latgalia in Latvia on the 8th of August
* Karelia in Russia on the 15th of August
and, last but not least, Sápmi (Lapland) on the 22nd of August.

The 7th edition of European minority language song contest Liet International will be held in the Breton city of An Orient/Lorient on Saturday the 27th of November 2010. In Breizh/Brittany Liet International enjoys the support of the Région Bretagne and the famous Festival Interceltique de Lorient, which celebrates its 40th anniversary this summer.

For Breizh/Brittany it is important that the Liet International will be held within the boundaries of the French republic for the very first time. Foundation Liet International is very pleased with the Breton invitation. After six editions in Fryslân, the Netherlands and Swedish Lapland Liet International is very happy to move southward to the Celtic part of France.

Until now three bands already qualified for Liet International 2010:
* Xera from Asturias as the winner of the Premiu al Meyor Cantar
* Pia Maria Holmgren from Sápmi as the winner of the Sámi Grand Prix
* Equal Souls from Friesland as the winner of Liet 2010
In August songcontest Suns in Udine will select two more finalists on behalf of the linguistic minorities from Italy and the Alpine region.

Band singing in a minority language without a song contest linked to Liet International will be invited to submit a new song to the organisation of Liet International 2010. Our annual call for new songs will be published in June.

Equal Souls sil de kommende hjerst Fryslân fertsjintwurdigje op Liet Ynternasjonaal 2010. Liet Ynternasjonaal is dit jier op sneon 27 novimber yn it Bretonske Lorient.   
 
The Equal Souls wiene út de skroeven. Sy krigen de Liet-trofee fan wethâlder Isabelle Diks. De Ivan Pel publykspriis waard útrikt troch Carla Pel, de frou fan Ivan. 

De útslach fan Liet 2010:
1.) Equal Souls, 54 punten
2.) Carla de Wal, 36 punten
3.) Louiza Saitova, 32 punten
4.) NNB, 31 punten
5.) Van Geeft ‘M, 30 punten
6.) Ramsk, 29 punten
7.) Fjoerich famke, 27 punten
8.) Rob du Jardin, 21 punten
9.) Carolien Hunneman en de Sluus, 20 punten
10.) Nynke en Wiljo, 6 punten
11.) The Oak and the Ash, 4 punten

Njonken Louiza Saitova nominearde de sjuery noch twa dielnimmers oan de earste foarronde foar de finale fan Liet op 22 maaie. De twa oare nominaasjes giene nei de Fryske punkrockband N.N.B. (Noch Net Bekend) en nei de nije formaasje Fjoerich famke. Njonken de trije nominearren wie der noch mear te genietsjen yn Heech. Sjuery en publyk wiene ek ûnder de yndruk fan it gefoelige liet fan it duo Hingst & De Boer. Sjongeres Djoeke jildt sûnder mis as in sjongtalint mei ûnthjit foar de takomst en Gretha Andela brocht in fleurich nûmer mei hitpotinsje. De belangstelling yn it sfearfolle Heechhûs wie sûnder mear goed.

Op sneon 10 april, yn de Groate Kerk, wie it muzikale nivo seker net minder heech as yn de Súdwesthoeke. It duo The Oak and the Ash makke hjir yndruk op de sjuery mei in yn uptempo songen ballade mei begelieding op de lút. Stewardess Carla de Wal fan Amsterdam song mei fleur en faasje in lofliet op it heitelân, en sleepte de twadde nominaasje yn de wacht. Rob du Jardin & de Wiebe Kaspersgroep prestearden itselde mei it jazzy nûmer It Fryske Gea.

Dat de natoer foar in soad Fryske muzikanten in rike boarne fan ynspiraasje is, die ek bliken út de bijdrage fan Wytse Hospes, dy’t mei ynmoed de opfeart fan syn wenplak Tersoal besong. Fries-om-utens Gerard Rinsma, dy’t alhiel út Roermond komme moast en hast te let kaam, krige de Groate Kerk stil mei in orizgjineel en bysûnder liet oer Van Gogh en Slauerhoff. Evert Duipmans & Arjen Zwerver, twa Fryske studinten út Twinte, songen in romantysk liet oer it ûnderweis wêzen yn de styl fan it populêre Die Twa. Jacob Laverman fan Bitgum wie opjûn troch syn maten en sloech him moedich en humorfol troch syn debútoptreden. De Liet-sjuery fan tsjinst, besteande út Frits Sieswerda, Geertrui Visser en Meta Witkamp, fûn it dúdlik spitich dat se mar trije dielnimmers nominearje koene….

Yn Kollum waard op 16 april foar it earst yn de Liet-skiednis in band dy’t yn it Amelâns sjongt nominearre. De band Van Geeft ‘M, foar de gelegenheid fersterke mei in drummer, song in tapaslik liet oer stoarm en hurde wyn yn it Amelâns. De oare nominaasjes yn Kollum giene nei de jonge groep Equal Souls, mei de Fryske sjongeres út Rotterdam en de Fryske rockband Ramsk mei in ferske oer Bijke. De meast opfallende dielnimmer yn De Colle wie sûnder mis it 42-koppige frouljuskoar Noaten op ‘e Sang, dat de jûn iepene mei it fleurige liet ‘Kleur bekenne’. Soliste Angeline út itselde doarp foel op troch har soulfolle stim. Likegoed krige se gjin nominaasje, want dêrfoar wie har gitaarspul net goed genôch. Angeline krige dan ek it advys om har yn ‘e takomst bystean te litten troch oare muzikanten.

Yn Easterwâlde waard de Stellingwerver sjongeres Carolien Hunneman foar de tredde kear op rige foar de finale. Dizze kear liet Hunneman har bystean troch oare muzikanten, wêrûnder Rob du Jardin op fioele en de drummer fan ‘e band Pioneers of love. It selskip stie foar it earst yn dizze gearstalling op it poadium, mar makke likegoed yndruk mei in liet oer Janis Joplin. De oare nominaasjes wiene foar Forrester Soundtrack en singer/songwriter Edze Neurink fan Drachten.

Op de lêste Liet-foarronde yn de Academie voor Popcultuur yn Ljouwert waarden ûnder oare Nynke en Wiljo nominearre foar in finaleplak. Nynke en Wiljo wûnen ferline jier noch sjongfestival SjONG foar jongerein mei in cover fan Anouk en makken no in goeie yndruk mei harren eigen liet Gean.

De oare nominaasjes giene nei Elisabeth en Ilse, twa jonge froulju dy’t foar it earst op it poadium stiene, en de Ljouwerter muzikant Rinke Schroor, beide mei in leafdesliet. Elisabeth en Ilse songen it liet Ik fyn dy leaf, wylst Rinke it hie oer Op de wjukken fan myn hert.

Rinke Schroor waard bystien troch in kleurryk selskip muzikanten. Op fioele waard er begelaat troch de 89-jierrige Ljouwerter muzikant Piet Postma, dy’t yn de foarige ieu furore makke mei syn yn 1945 oprjochte band ‘De Amalfi’s. Der is in grutte kâns dat Postma de âldste dielnimmer út de skiednis fan Liet is.

Der binne no mei-inoar 15 acts nominearre foar in plak yn de Liet-finale op 22 maaie. De sjuery fan Liet sil hjir nije wike oer te set. Nije wike freed, op Keninginnedei, wurdt bekend makke hokker tsien lieten trochgeane nei de finale yn De Harmonie. Oanslutend mei it publyk út de fiif lieten dy’t yn twadde ynstânsje ôffalle noch ien útkieze foar de finale. Dat giet dan mei in stimming op ynternet. Hâld dêrom dizze website goed yn ‘e gaten!

De Spaanske regio Asturias sil de Fryske stichting Liet International de kommende trije jier stypje mei in bedrach fan 10.000 euro it jier. De Asturyske minister fan taal en kultuer, Consuelo Vega Diaz, en Stichting Liet International binne dat oerienkommen yn de Asturyske haadstêd Oviedo. Nei de provinsje Fryslân is Asturias de twadde regio dy’t besletten hat om Liet International struktureel te subsidiearjen. ,,Wy fine Liet International hiel belangryk foar de promoasje fan muzyk yn it Asturysk en oare minderheidstalen. It is in moai evenemint, dat neffens ús de kommende jierren noch fierder groeie kin’’, seit frou Vega Diaz oer Liet International. De Asturyske minister wie yn oktober 2009 oanwêzich by Liet International yn Ljouwert mei in stevige Asturyske delegaasje en wie doe tige te sprekken oer it evenemint. De oerienkomst tusken Asturias (yn it Asturysk: Asturies) en Liet International hâldt yn dat Asturias de kommende jierren fersekere is fan in plak yn de finale fan Liet International foar de winner fan it Asturyske sjongfestival Premiu al Meyor Cantar. Dat festival waard it ôfrûne wykein yn it berchstedsje Mieres wûn troch de groep Xera mei it liet Tierra. Onno Falkena siet yn de sjuery fan it Asturyske sjongfestival út namme fan Stichting Liet International. Xera is de earste dielnimmer fan Liet International 2010 dy’t bekend is. De oare dielnimmers wurde pas yn de rin fan dit jier bekend makke. Ien dêrfan is fansels de winner fan it Fryske sjongfestival Liet 2010 op sneon 22 maaie. In twadde diel fan de oerienkomst tusken Asturias en Stichting Liet International is dat de Noard-Spaanske regio graach de kâns hawwe wol om Liet International te organisearjen yn it jier 2012. Dit diel fan de oerienkomst betsjut dat de takomst fan it sjongfestival foar minderheidstalen der goed útsjocht. De earstfolgjende edysje fan it sjongfestival is op sneon 20 novimber yn it Skotse Inverness. Foar 2011 is Udine yn Noard-Italië de wichtichste gadingmakker en yn 2012 sil Asturias Liet International ûntfange. De krekte lokaasje is no noch net bekend, mar de kâns is grut dat dat it teater fan havenstêd Gijon (yn it Asturysk: Xixon) wurdt. De delegaasje fan Stichting Liet International yn Asturias bestie út festival-koördinator Onno Falkena en produsint Jan Gaastra.

Ga naar: Youtube