Buma NL presentearet Equal Souls
Op 9 & 10 septimber fynt Buma NL plak, it showcase en seminarfestival foar it Nederlânsktalige liet. Op freed te jûn 10 septimber wurdt, yn gearwurking mei Stichting Roos it Dialektfestival organiseare. Doel fan it Buma NL Dialectfestival is dat talint út de regio sich presentearje kin en dat ek it belang fan dialekt en streektaal binnen de Nederlânsktalige muzyk ûnderstrepe wurdt.
Equal Souls sil hjir ek optrede! Lês mear.
Equal Souls hat de sjuerypriis fan Liet 2010 wûn
De band Equal Souls út Rotterdam hat de sjuerypriis fan Liet 2010 wûn. Mei harren liet ‘Do swalkest’ makke de formaasje fan sjongeres Janneke Brakels in soad yndruk op de sjuery. De earste Ivan Pel publykspriis waard wûn troch Louiza Saitova fan Wâldsein mei har liet ‘Rêden troch muzyk’.
Equal Souls sil de kommende hjerst Fryslân fertsjintwurdigje op Liet Ynternasjonaal 2010. Liet Ynternasjonaal is dit jier op sneon 27 novimber yn it Bretonske Lorient.
Finale Liet 2010 op 22 maaie yn de Harmonie
Op sneon 22 maaie fynt foar de 19e kear it Frysk sjongfestival Liet plak yn Stêdsskouboarch de Harmonie yn Ljouwert. Oanfang 20.15 oere.
Yn de moanne april hawwe der yn Heech, St. Japik, Kollum, Easterwâlde en Ljouwert foarwedstriden plakfûn. Ut de yn totaal 38 dielnimmers hat de sjuery tsien dielnimmers selektearre.Dat binne Fjoerich Famke, NNB, Carla deWal, Louiza Saitova, The Oak and the Ash, Equal Souls, Van Geeft’ m, Ramsk, Carolien Hunneman & de Sluus en Nynke & Wiljo. De alfde dielnimmers is mei tank oan in spannende ferkiezing op de webside fan Liet in wildcard fertsjinne.
Fan it jier is der op ‘e nij in grut ferskaat oan dielnimmers en muzykstilen . Fan Keltyske folk oant punkrock, fan meisjongers oant singer songwriters. Opfallend is de dielname fan in Tsjetsjeenske sjongeres dy’t yn it Frysk sjongt en neist it Frysk binne der fan it jier ek nûmers yn it Amelânsk en it Stellingwerfsk te hearren.
De faksjuery besteande út Wim Brons, Meta Witkamp, Hedser Tijtsma, Geertrui Visser en sjueryfoarsitter Frits Sieswerda hawwe de taak om de winner te bepalen. Dy winner sil Fryslân fertsjinwurdigje op Liet Ynternasjonaal letter dit jier.
De presintaasje is dizze jûn yn hannen fan âld-Liet winner Robbie van Wieren en Liet bestjoerslid Froukje Sijtsma.
finalisten Liet 2010 bekend
De sjuery fan Liet 2010 hat tsien finalisten selektearre foar de finale fan dit alle jierren weromkearend Fryske sjongfestival. De finale is dit jier op sneon 22 maaie yn De Harmonie yn Ljouwert.
De ôfrûne moanne hawwe fiif foarrondes plakfûn, dêr’t mei-inoar 38 bands en solo-artysten oan meidien hawwe. Ut in grut ferskaat oan muzykstilen hat de sjuery besteande út Geertrui Visser, Meta Witkamp, Hedser Tijtsma en sjueryfoarsitter Frits Sieswerda de folgjende kar makke:
Harren kar foel op:
- Louiza Saitova
- Fjoerich Famke
- Carla de Wal
- Equal Souls
- Carolien Hunneman
- NNB
- The Oak and the Ash
- Van Geeft ‘m
- Ramsk
- Nynke en Wiljo.
Spaanske regio Asturias stipet Liet International
De Spaanske regio Asturias sil de Fryske stichting Liet International de kommende trije jier stypje mei in bedrach fan 10.000 euro it jier. De Asturyske minister fan taal en kultuer, Consuelo Vega Diaz, en Stichting Liet International binne dat oerienkommen yn de Asturyske haadstêd Oviedo. Nei de provinsje Fryslân is Asturias de twadde regio dy’t besletten hat om Liet International struktureel te subsidiearjen. ,,Wy fine Liet International hiel belangryk foar de promoasje fan muzyk yn it Asturysk en oare minderheidstalen. It is in moai evenemint, dat neffens ús de kommende jierren noch fierder groeie kin’’, seit frou Vega Diaz oer Liet International. De Asturyske minister wie yn oktober 2009 oanwêzich by Liet International yn Ljouwert mei in stevige Asturyske delegaasje en wie doe tige te sprekken oer it evenemint. - Lees verder -
